फागुन २१, काठमाडौँ। नेपालको इतिहासमा पहिलो पटक नेपाल वायुसेवा निगम (नेपाल एयरलाइन्स)का दुई जना महिला पाइलटले अन्तर्राष्ट्रिय उडान भरेका छन्। इतिहासमा पहिलो पटक पाइलट भावना र कोपाइलट श्रृजना राउतको टोलीले उडान गरेका हुन।
आइतबार काठमाडौं बाट दुबईको उडानका लागी इतिहासमा पहिलो पटक दुई महिला पाइलटले सँगै उडान भरेको पाइलट भावना पन्तले बताएकी छन्।
पाइलट भावना
पन्तले यो नेपाली उड्डयन क्षेत्रमा ऐतिहासिक क्षण बनेको बताएकी छन्। उनले आफ्नो सामाजिक
सञ्जाल फेशबुकमा लेखेकी छन्, ‘नेपाल उड्डयनमा ऐतिहासिक क्षण। नेपाल वायुसेवा निगममा पहिलो
पटक दुवै महिला पाइलटले काठमाडौंबाट दुबईको अन्तर्राष्ट्रिय उडानमा सँगै उडान
भरेको इतिहास रचिएको छ।’
विगत २५
वर्षदेखि पाइलट भावना नेपालको हवाई क्षेत्रमा आवद्ध छिन्। उनिहरुले आइतबार बिहान
१२:०४ को समयमा एयरबस ३२० बाट काठमाडौं-युएई उडान गरेका हुन्। उक्त जहाजमा १५३
यात्रु सवार थिए।
यो टोलीले
आगामी बुधबारको उडानमा यात्रु लिएर पुनः काठमाडौं फर्कने निगमले बताएको छ। निगमका
अनुसार बुधबारै रहेको अन्तर्राष्ट्रिय महिला दिवस (नारी दिवस) का दिन यो उडानमा
सम्पुर्ण चालक दलका सदस्यहरू महिला रहनेछन।
- न्युज बहार संवाददाता
