बैशाख १, काठमाडौँ । आजदेखि सङ्घीय राजधानीको प्रमुख पर्यटकीय गन्तव्य दरबारमार्ग र ठमेल क्षेत्र २४ सै घण्टा खुला हुने भएका छन ।
आज नयाँ
वर्ष वैशाख १ गतेदेखि जिल्ला प्रशासन कार्यालय काठमाडौँले उपप्रधानमन्त्री तथा
गृहमन्त्री रवि लामिछानेको निर्देशनपछि आचारसंहिता निर्माण गरि उक्त क्षेत्रलाई २४
सै घण्टा सञ्चालन गर्न लागेको हो ।
ठमेल र
दरबारमार्ग क्षेत्रलाई सुरक्षित बनाउन भरपर्दो सुरक्षा व्यवस्था मिलाइएको काठमाडौँका
प्रमुख जिल्ला अधिकारी जितेन्द्र बस्नेतले जनाएका छन ।
बस्नेतका
अनुसार आजदेखि ठमेल र दरबारमार्ग क्षेत्रलाई पूर्ण समय व्यवसाय सञ्चालन गर्नेगरी
रात्रिकालीन व्यवसाय सञ्चालन गर्ने तयारी गरिएको र सोहीअनुसारको सुरक्षा व्यवस्था
सुदृढ बनाइएको हो ।
- न्युज बहार संवाददाता
