पुस १, काठमाडौँ । 'क्यानोपी जिपलाइन' काठमाडौँको चोभारस्थित
मन्जुश्री पार्कमा सञ्चालनमा आएको छ। कुल लम्बाई
करिब ४ सय मिटर रहेको जिपलाइनमा तीन चरण गरेर खेल्न पाइने छ। करिब १० मिनेट सबै
चरणको जिपलाइन खेल्न लाग्छ।
पहिलो
चरणलाई 'एड्भेञ्चर', दोस्रोलाई 'डेयर डेभिल्स' र तेस्रोलाई 'द फन' गरी जिपलाइन खेल्दा गरिने
अनुभूति अनुसार यसको नामाकरण गरिएको छ।
शनिबार अभिनेत्री
वर्षा राउतले जिपलाइन उद्घाटन गरेकी हुन्। उद्घाटनमा उनले ३ चरणको जिपलाइनमा आँफुले
अन्यत्र भन्दा फरक र रोचक अनुभव लिएको बताइन्।
जिपलाइनका
क्रममा जलविनायक मन्दिर, मन्जुश्रीले
काटेको चोभारको आकर्षक गल्छी, नवनिर्मित सुख्खा बन्दरगाह, चोभारको गुम्बा, चन्द्रागिरी
र चम्पादेवी
डाँडाका साथै काठमाडौँ तथा ललितपुरका सुन्दर दृश्यावलोकन गर्न सकिनेछ । त्यस्तै टेकअफ
टावरबाटै सुन्दर हिमशृङ्खला पनि देख्न सकिनेछ ।
- न्युज बहार संवाददाता
