असोज १०, काठमाडौँ । मौसममा आएको कराबीका कारण देशको हवाई उडान केही प्रभावित भएको छ।
त्रिभुवन
अन्तर्राष्ट्रिय विमानस्थलबाट हुने आन्तरिक उडान मौसममा आएको खराबीका कारण प्रभावित
भएको हो।
काठमाडौं बाहिरका विराटनगर, सिमरालगायत गन्तव्यको उडान
सामान्य प्रभावित भएको छ भने काठमाडौँ विमानस्थलमा भिजुअल फ्लाइट
रुल्स (भिएफआर) उडान भइरहेका छन ।
इनरुट
वेदर बिग्रिएकाले
दुई विमान ‘डाइभर्ट’ भएको विमानस्थलका प्रवक्ता
रिञ्जी शेर्पाले जनाएका छन । दुई मध्ये एक यती एयरलाइन्सको विमान काठमाडौँबाट
सिमराका लागि उडेको थियो तर सिमराको आकाशमा पुगेर पनि अवतरण हुन नसकेपछी पुन:
काठमाडौँ नै फर्किएको छ। त्यस्तै सोही यती एयरलाइन्सकै
काठमाडौँबाट विराटनगर उडेको अर्को विमान पनि मौसम बिग्रिएकाले बीच रूटबाटै काठमाडौँ
फर्किएको छ।
एयरलाइन्सका
अनुसार मौसम बिग्रिएकाले आजका लागि कुनै पनि पर्वतीय उडान (माउन्टेन फ्लाइट) छैन ।
यता अन्तर्राष्ट्रिय उडानहरु भने सामान्य रुपमा सञ्चालन भइरहेको विमानस्थल स्रोतले
जनाएको छ ।
- न्युज बहार संवाददाता
