जेठ ११, काठमाडौँ । नेपाली सेनाको नेतृत्व र समन्वयमा चार हिमालहरूमा प्रारम्भ भएको ‘सफा हिमाल अभियान’ले तीव्रता लिईरहेको छ। यस अभियानमा सगरमाथा, ल्होत्से, अन्नपूर्ण र बरूणत्सेबाट फोहोर सङ्कलन गरिएको छ ।
यस अभियानमा कोका–कोला फाउन्डेसनले प्रमुख दाताको रूपमा सहकार्य गरेको छ भने विश्वको सबैभन्दा ठुलो हिमाल सरसफाइ कार्यक्रम मध्येको यो अभियान पनि एक हो। सफा हिमाल अभियान’ २८ मार्चमा सुरु भएको थियो र यो अभियान ५ जुनमा सकिनेछ ।
यो अभियानमा ९७ जनाको टिमले कठिन मौसमी अवस्थाबीच चार हिमालबाट ३४ हजार १६६ किलो फोहोर सङ्कलन गरिसकेको छ। टोलीले खाली चार वटा हिमालबाट अक्सिजन क्यानिस्टर, यतिकै छोडिएका टेन्टहरू, खाना राखिने कन्टेनर, प्लास्टिक, गिलास, आल्मुनियम, इलेक्ट्रोनिक ग्याजेट लगायतका फोहोरहरु सङ्कलन गरेको हो ।
- न्युज बहार संवाददाता
