मुम्बई इन्डियन चेन्नई सुपर किंग्ससँग २० रनले पराजित

  •   १ महिना अघि | ३ बैशाख २०८१, सोमवार

बैशाख ३, काठमाडौँ । मुम्बई इन्डियन्का पूर्वकप्तान रोहित शर्माको शतकका बाबजुद टोली चेन्नई सुपर किंग्ससँग २० रनले पराजित भएको छ । आईपीएल २०२४ को आइतबार राती भएको खेलमा चेन्नईले प्रस्तुत गरेको २ सय ७ रनको लक्ष्य पछ्याउने क्रममा मुम्बईले निर्धारित २० ओभरमा ६ विकेटको क्षतिमा १ सय ८६ रनमात्र बनाउन सक्यो ।

मुम्बईका लागि रोहित शर्माले नटआउट रहेर १ सय ५ रन बनाउँदै गर्दा पनि टोलीका लागि जित भने दिलाउन सकेनन् । हार पछी मुम्बई आफ्नै घरेलु मैदानमा निराश बन्न पुग्यो ।

चेन्नईका मथिसा पथिराना हिजोको खेलमा प्लेयर अफ द म्याच बनेका छन । उनको घातक बलिङले मुम्बई इनिङ्सलाई ध्वस्त पारेको थियो । पथिरानाले ४ ओभरमा २८ रन खर्चेर मुम्बईको महत्वपुर्ण ४ विकेट लिएका थिए ।

चेन्नईका लागि खेलको अन्त्यमा आएका पूर्वकप्तान महेन्द्र सिंह धोनीले विस्फोटक ब्याटिङ गर्दै ४ बलमा २० रन जोडेका थिए । उनले ३ छक्का प्रहार गरेका थिए । 

  • न्युज बहार संवाददाता

थप