मंसिर
१९, काठमाडौँ । एक नौ वर्षीय बालकले पूर्व प्रधानमन्त्री तथा एमाले अध्यक्ष केपी
शर्मा ओलीलाई सुर्खेतका आफू र आफूजस्ता बालबालिकाहरू युवा अवस्थामा पुग्दा पनि
विदेश जानुपर्ने अवस्थाको अन्त्य गर्न र स्वदेशमै कमाउने वातावरण बनाइदिनको लागी चिठ्ठी
लेखेका छन ।
मंगलबार झुलाघाट–चिवाभञ्ज्याङ यात्राका क्रममा सुर्खेतमा
रहेका ओलीलाई ९ वर्षका बालक किशोर पौडेलले चिठ्ठी लेखेरै यस्तो अनुरोध गरेका हुन ।
उक्त बालकले दिएको चिठ्ठी अध्यक्ष ओलीले फेसबुकमा सार्वजनिक गरेका छन । ओलीले चिठ्ठी
सार्वजनिक गर्दै आफ्नो पार्टीको अभियान त्यसैका लागि भएको बताएका समेत बताएका छन ।
ओलीले चिठ्ठी सार्वजनिक गर्दै फेसबुक लेखेका छन्, ‘मंगलबार हाम्रो यात्रा सुर्खेतबाट सल्यान हुँदै जाजरकोटतिर लाग्दै थियो, हिँड्ने बेलामा ९ वर्षीय बाबु किशोर पौडेलले एउटा सानो चिठ्ठी हातमा थमाए। स्वदेशमै कमाइको वातावरण बनाउन उनले सल्लाह दिए, मैले सोचेँ - हामीले मध्यपहाडी राजमार्ग निर्माण थालेको पनि त्यसैका लागि हो, भेरी बबई डाइभर्सन पनि कृषि उत्पादन बढाउनकै लागि हो, यसलाई छिटो सम्पन्न गर्नु पर्छ ।’
- न्युज बहार संवाददाता
