जेठ ११, काठमाडौँ । गृहमन्त्री रमेश लेखकमाथि लागेको भिजिट भिसाको आरोपबारे नेकपा एमालेले सम्बन्धित निकायले अनुसन्धान गर्ने बताएको छ ।
एमाले महासचिव शंकर पोखरेलले आज आइतबार पार्टी मुख्यालय च्यासलमा बसेको सचिवालय बैठकपछि सञ्चारकर्मीसँग कुरा गर्दै यसबारे सम्बन्धित निकायले अनुसन्धान गरिरहेको बताएका छन।
महासचिव पोखरेलले गृहमन्त्री लेखकको राजीनामा बारे सञ्चारकर्मीले सोधेको प्रश्नमा प्रतिप्रश्न गर्दै भने, ‘आरोपको मात्रै विषयले सबैकुरा निर्धारण गर्दैन, के भएको छ भन्ने कुरा त सम्बन्धित निकायको ध्यान पुगेकै होला नि ? होइन र ?’
- न्युज बहार संवाददाता
