साउन २२, काठमाडौँ । आज पनि एमालेले राष्ट्रिय सभाको बैठक अबरोध गरेको छ । नेकपा एमालेले सुन प्रकरणमा छानबिन गर्न उच्च स्तरीय समिति गठनको माग गर्दै अवरोध गरेपछि आजका लागी राष्ट्रिय सभाको बैठक स्थगित भएको छ ।
बैठक सुरु भए लगत्तै एमाले सांसदहरुले उठेर विरोध जनाए पछी बैठक अगि बढ्न सकेन ।
बिरोधका बिच राष्ट्रिय सभा अध्यक्ष गणेशप्रसाद तिमिल्सिनाले एमाले सांसद दिलकुमारी रावल थापालाई बोल्न समय दिएका थिए । उक्त समयमा बोल्दै उनले आफूहरुले चाहेर नभइ बाध्यताले संसद अवरोध गर्नु परेको बताइन् ।
सांसद दिलकुमारीले बोलेपछि पनि एमाले सांसदहरुले उठेर विरोध जारी राखेकाले अध्यक्षले बैठक बुधबार साउन २४ गते दिनको १:०१ बजेसम्मका लागि स्थगित गरेका हुन।
- न्युज बहार संवाददाता
