भदौ २८, काठमाडौँ । नेकपा एमालेका उपाध्यक्ष तथा संविधानसभाका अध्यक्ष सुवासचन्द्र नेम्वाङको अन्त्येष्टिमा पशुपति आर्यघाटमा हजारौँ सर्वसाधारण पुगेका छन् ।
नेम्वाङको पार्थिव शरीर बालुवाटारस्थित निवासबाट पशुपति आर्यघाट लगि अन्त्येष्टि गरिएको हो । अन्त्येष्टिका क्रममा आर्यघाटमा ठूलो संख्यामा सर्वसाधारण पनि पुगेका थिए ।
नेम्वाङप्रति सम्मान व्यक्त गर्न विभिन्न राजनीतिक दलका नेता, समाजका अन्य क्षेत्रका गन्यमान्यका साथै सर्वसाधारण पनि चर्को घामको परवाह नगरी आर्यघाटमा पुगेका थिए । नेपाली सेनाको टोलीले सलामी दिई नेम्वाङको राजकीय सम्मानका साथ अन्त्येष्टि गरिएको छ ।
- न्युज बहार संवाददाता
