साउन १०, काठमाडौँ । आज राजस्व अनुसन्धान विभागले कमलपोखरीस्थित व्यवसायी राकेश अडुकियाको घरमा छापा मारेको छ ।
राजस्व अनुसन्धान विभागले त्रिभुवन अन्तर्राष्ट्रिय विमानस्थलबाट बाहिरिएको एक क्विन्टल सुन तस्करी प्रकरणको अनुसन्धानका क्रममा उनको घरमा छापा मारेको जनाएको छ ।
व्यवसायी राकेश अडुकियाले पछिल्लो केही वर्षहरुमा यूएई, भारत र हङकङमा शंकास्पद भ्रमण गरेको समेत पाइएको अधिकृतहरुले बताएका छन ।
आज उनको घरमा छापा मार्दा घरबाट केही सामान समेत बरामद भएको विभागका एक अधिकृतले जनाएका छन ।
- न्युज बहार संवाददाता
