साउन २२, काठमाडौँ । प्रमुख विपक्षी दलका प्रमुख सचेतकहरु र सत्तारुढ दलले संसदीय समितिको भागबण्डा मिलाएका छन । भागबण्डा मिलेसँगै आजै सोमबार बस्ने शीर्ष नेताहरुले त्यसलाई अन्तिम रुप दिने बताएका छन ।
कांग्रेसलाई ४, प्रमुख प्रतिपक्षी दल नेकपा (एमाले)लाई ३, माओवादी केन्द्रलाई २, नेकपा एस,जनता समाजवादी र जनमत पार्टीलाई १-१ समिति परेको स्रोतले जानकारी गराएको छ ।
एक सांसदले रास्वपा र राप्रपालाई एक पनि समितिको नेतृत्व दिन नसकिएको बताएका छन । संसदमा रास्वपाका २० र राप्रपाका १४ सांसद रहेका छन्।
आजै सभामुख देवराज घिमिरेले संसदीय समितिहरूको सभापति चयनबारे छलफल गर्न शीर्ष नेताहरूलाई बोलाइसकेका छन्।
- न्युज बहार संवाददाता
