चैत १३ काठमाडौँ। आज बर्दिबासबाट काठमाडौंसम्म मिटरब्याजीविरूद्ध मार्च गरेर आएका पीडितहरकाठमाडौँ महनगरपालोकाले टुँडिखेल छिर्न रोक लगाइएको छ।
११ दिन लगाएर बर्दिबासदेखि हेटौंडा हुँदै काठमाडौंसम्म आएका मिटरब्याज पीडितहरूलाई काठमाडौं महानगरपालिकाले खुलामञ्चको गेट बन्द गरि भित्र छिर्न रोकेको छ।
काठमाडौं महानगरपालिकाका नगर प्रहरी प्रमुख राजु पाण्डेले सार्वजनिक स्थानमा बस्न दिन हुँदैन भनेर खुलामञ्चको गेट बन्द गरेको जानकारी दिएका छन।
उनले भने ,‘खुलामञ्च भनेको सार्वजनिक स्थल हो, त्यहाँ कसैलाई पनि बस्न दिन हुँदैन, त्यसैले हामीले त्यहाँ बस्न नदिने निर्णय गरी छिर्न रोक लगाएका हौं।’
खुलामञ्चमा छिर्न नदिए पनि मिटरब्याजी पीडितलाई व्यवस्थित स्थानमा बस्ने व्यवस्था मिलाइदिएको पाण्डेले बताएका छन। उनि भन्छन ‘हामीले गौशालास्थित धर्मशालामा उनीहरूलाई निःशुल्क बस्ने व्यवस्था मिलाइदिएका छौं।’
महानगरका मेयर बालेन शाहका स्वकीय सचिव भूपदेव शाहले यस्तै उनीहरूलाई बस्ने व्यवस्था मिलाइदिँदा पनि सार्वजनिक स्थल खुलामञ्चमै बस्न खोजेका कारण रोक लगाउनु परेको बताएका छन।
- न्युज बहार संवाददाता
