चैत ३१, काठमाडौँ । गत चैत १५ गते काठमाडौँको
तीनकुनेमा भएको जनप्रदर्शनका क्रममा भएको तोडफोड, हिंसा, आगजनी र मानवीय एवं भौतिक क्षतिले
आफूलाई दुःख लागेको पूर्वराजा ज्ञानेन्द्र शाहले बताएका छन् ।
चैत १५
गतेको उक्त घटनाबारे पूर्वराजा शाहलाई जिम्मेवार बनाउनुपर्ने चौतर्फी माग भइरहँदा
आज पूर्वराजा शाहले नयाँ वर्षको शुभकामना दिने क्रममा त्यस घटनाले आफूलाई दुःख
लागेको बताएका हुन् ।
चैत १५ गते
राजतन्त्र पुनस्थापना र हिन्दूराज्य लगायतका माग गर्दै प्रदर्शनले उग्र रुप लिँदा
दुई जनाको ज्यान समेत गएको थियो । उक्त प्रदर्शनका क्रममा विभिन्न निजी तथा
सार्वजनिक सम्पतिमा क्षति पुग्नुका साथै दर्जनौं व्यक्ति घाइते पनि भएका थिए ।
- न्युज बहार संवाददाता
