भदौ २, पोखरा । सीआईबीबाटै सुन काण्डका दोषी पत्ता लाग्ने गृहमन्त्री नारायणकाजी श्रेष्ठले बताएका छन । उपप्रधान तथा गृहमन्त्री नारायणकाजी श्रेष्ठले सीआईबीबाटै सुन काण्डका दोषी पत्ता लाग्ने दाबी समेत गरेका छन्।
उनले यसअघिका अनुभवमा पनि विभिन्न काण्डमा छानबिन समितिको प्रतिवेदन कार्यान्वयन नभएको बताएका छन । गृहमन्त्री श्रेष्ठले राज्यको संस्थागत रुपले दक्ष, जिम्मेवार र अनुसन्धानकै लागि भनेर निर्माण गरिएका संयन्त्र र संरचनाहरुलाई काम गर्न दिनु पर्ने बताएका छन ।
शनिबार पोखरामा प्रेस सेन्टर नेपाल कास्कीले गरेको पत्रकार सम्मेलनमा बोल्दै श्रेष्ठले एमालेले छानबिन समितिको माग राख्दै संसद अवरुद्ध गर्नु दुखद् रहेको समेत बताएका छन ।
- न्युज बहार संवाददाता
