भदौ २६, काठमाडौँ । नेकपा एमालेका उपाध्यक्ष एवम् संविधान सभाका अध्यक्ष सुवास नेम्वाङ घरभित्रकै शौचालयमा बेहोस अवस्थामा फेला परेका थिए । गएराती १ बजे तिरको समयमा उनी शौचालयमा बेहोस अवस्थामा फेला परेपछी उनलाई त्रिवि शिक्षण अस्पताल पुर्याउँदा नै उनको मृत्यु भइसकेको अस्पताल स्रोतले जनाएको छ ।

अरु दिन जस्तै गएराती पनि नेम्वाङ बालुवाटारस्थित आफ्नो निवासमा थिए । उनलाई सामन्य रुघा खोकी लागेको थियो । गएराति १ बजेतिर नेम्वाङ शौचालयमा बेहोस् अवस्थामा भेटिएका परिवारका सदस्यहरुले जनाएका छन । यसरी बोहोस अवस्थामा भेटेपछी उनलाई बालुवाटारस्थित निवासबाट त्रिवि शिक्षण अस्पताल महाराजगञ्जमा पुर्याउँन करिब ५० मिनेट अर्थात रातिको १:५० बजेको थियो ।

अस्पताल पुर्याएलगत्तै चिकित्सकहरुले नेम्वाङको मुटुको धडकन, नाडी र श्वासप्रश्वासको अवस्था चेक गरेका थिए । तर ती कुनै पनि नचलेको पाइएपछि मृत घोषणा गरिएको अस्पताल स्रोतले जनाएको छ ।

त्रिवि शिक्षण अस्पताल स्रोतका अनुसार  चिकित्सकहरुले पहिले मेडिकल प्वाइन्टबाट नेम्वाङको सास फेरे नफेरेको, नाडी चले नचलेको र मुटु चले नचलेको हेरेका थिए तर नेम्वाङमा ती केही पनि भेटिएको थिएन । चिकित्सकहरु भन्छन यस्तो हुनु भनेको हस्पिटल आइपुग्नुभन्दा अगाडि नै मृत्यु भइसकेको भन्ने बुझिन्छ।

अस्पताल स्रोतले नेम्वाङलाई अस्पताल पुर्याउँदा साइन्स अफ लाइफ भन्ने केही पनि नभएको जनाएको छ । तै पनि चिकित्सकहरुले ट्राइ गरी ईसीजी, सीपीआर र मेडिसिन दिएर हेर्दा पनि केही नभएपछी कन्फर्म डेथ भन्ने निष्कर्षमा पुगेको अस्पताल स्रोतले जनाएको छ ।

• न्युज बहार संवाददाता