चैत २७, काठमाडौँ । आफ्नो पार्टी भ्रष्टहरुलाई राख्ने र जोगाउने पार्टी नभएको राष्ट्रिय स्वतन्त्र पार्टीका सभापति रवि लामिछानेले बताएका छन्।
सभापति लामिछानेले आइतबार राति सामाजिक सञ्जालमार्फत आफ्नो पार्टीमा पैसाको लेनदेन हुनु त परको कुरा लेनदेनको कुरा मात्र गर्दा पनि आफुहरुले नसहने बताएका छन्।
उनले लेखेका छन् : ‘ढुक्क हुनुस् रास्वपा भ्रष्टलाई राख्ने, जोगाउने, पाल्ने पार्टी होइन। पैसाको लेनदेन हुनु त परको कुरा लेनदेनको कुरा मात्र गर्दा पनि हामी सहदैनौं। कडा भन्दा कडा कारवाही गर्छौ। बेथितिको बचाउ गर्दैनौं बरु उदाङो पारी दण्डित गर्छौ।’
आइतबार पार्टीका
समानुपातिक सांसद ढाकाकुमार श्रेष्ठ र व्यावसायी दुर्गा प्रसाईबीच आर्थिक लेनदेन
गरेको अडियो बाहिर आएको थियो । सोही विषयलाई लिएर लामिछानेले आफ्नो सामाजिक
सञ्जालमा त्यस्तो लेखेका हुन। रविले अहिले सोही अडियो प्रकरणलाई चुनावी हतियार
बनाएको र विपक्षीहरुले थप आक्रमणका लागि भएभरको शक्ति लगाएको आरोप लगाएका छन्।
- न्युज बहार संवाददाता
