बैशाख १८, काठमाडौं । राष्ट्रिय स्वतन्त्र पार्टीले कि सरकारमा जाने, कि त प्रतिपक्षमा बस्ने निर्णय गरेको छ।
रास्वपाको आज बसेको बैठकले कि त सरकारमा सहभागी हुने कि सरकारलाई दिएको समर्थन फिर्ता लिएर प्रमुख प्रतिपक्ष दलका रुपमा बस्ने तर अहिलेजसरी केवल समर्थनमात्रै दिएको अवस्थामा नबस्ने निर्णय गरेको हो । आज सोमबार बसेको पार्टी केन्द्रीय समितिको बैठकले अहिलेको अन्योल हटाउने निर्णय गरेको हो ।
रास्वपाका महामन्त्री मुकुल ढकालले भने ‘हामी कि त सरकारमा जाने, कि त प्रतिपक्षमा बस्ने, तर अहिलेजसरी समर्थनमात्रै दिएर चाहिँ नबस्ने भन्ने टुंगोमा पुग्यौं, आज यसबारेमा व्यापक छलफल भयो, छलफलमा अधिकांश साथीहरुको यस्तै राय छ ।’
- न्युज बहार संवाददाता
