चैत २६, तनहुँ। रास्वपा- राष्ट्रिय स्वतन्त्र पार्टीका केन्द्रीय सभापति रवि लामिछानेले निर्वाचनमा स्वच्छ र स्वस्थ प्रतिस्पर्धा आवश्यक रहेको बताएका छन्।
तनहुँको आँबुखैरेनी गाउँपालिका–३ मा आज आयोजित चुनावीसभालाई सम्बोधन गर्दै आफू स्वच्छ राजनीति गर्न सदैव सक्रिय रहेको सभापति लामिछानेले उल्लेख गरेका छन।
उनले भने ‘हामी स्वच्छ राजनीति गर्न चाहन्छौं, अरु दललाई पनि हामी यही आह्वान गर्छौं, कुनै पनि उम्मेदवारविरूद्ध दुर्भाव छैन। सबैलाई यही आह्वान गर्छौ।’
उक्त कार्यक्रममा बोल्दै लामिछानेले लोकतन्त्रको सुन्दर पक्ष भनेको प्रतिस्पर्धा भएकाले यो सुन्दर पक्षलाई सबैले अवलम्बन गर्नुपर्नेमा बताएका छन।
- न्युज बहार संवाददाता
