मंसिर
४, काठमाडौँ । माइतीघर मण्डलादेखि नयाँ बानेश्वर चोकसम्म जिल्ला प्रशासन कार्यालय
काठमाडौँले निषेधित क्षेत्र तोकेको छ।
३० दिनका लागि काठमाडौँको
माइतीघर मण्डलादेखि नयाँ बानेश्वरसम्मको क्षेत्रलाई काठमाडौँका प्रमुख जिल्ला अधिकारी
जितेन्द्र बस्नेतले निषेधित क्षेत्र घोषणा गरेका हुन्।
मंसिर ७ गते मेडिकल व्यवसायी
दुर्गा प्रसाईं र नेकपा एमाले निकट युवा संघ पक्षले माइतीघरमा प्रदर्शन गर्न
लागेका थिए।
सोही प्रदर्शनका विषयमा प्रशासनले
एकैदिन दुई पक्षको प्रदर्शन हुँदा शान्ति सुरक्षामा समस्या आउने भन्दै माइतीघर
मण्डलादेखि नयाँ बानेश्वरसम्म स्थानीय प्रशासन ऐन, २०२८ को दफा ६ को उपदफा ३(क) बमोजिम
आदेश जारी गरेको हो।
जिल्ला सुरक्षा समिति
काठमाडौँको सिफारिसको आधारमा सोमबारदेखि ३० दिनसम्मका लागि ५
जना भन्दा बढी व्यक्ति
भेला भएर प्रदर्शन,
जुलुस, धर्ना, अनसन, घेराउ लगायत विरोध प्रदर्शन
गर्न निषेध गरेको हो।
- न्युज बहार संवाददाता
