फागुन ३०, काठमाडौँ । प्रधानमन्त्री
पुष्पकमल दाहाल प्रचण्डले तेस्रो पटक विश्वासको मत प्राप्त गरेका छन् । प्रधानमन्त्री
प्रचण्डले आफूलाई प्रतिनिधिसभाको विश्वास छ भनेर राखेको प्रस्तावको पक्षमा १५७
जनाले मत दिएका छन भने ११० जनाले यसको विपक्षमा मतदान गरेका छन ।
यसैबिच एक
जना भने तटस्थ रहेका छन ।
आज बुधबार
प्रधानमन्त्रीले विश्वासको मतको माग गर्दा प्रतिनिधिसभाका जम्मा २७५ सदस्यमध्ये
२६८ जनाले मतदानमा सहभागीता जनाएका थिए ।
आफ्नो
पक्षमा बहुमत देखाउन प्रधानमन्त्रीले प्रतिनिधिसभामा कम्तीमा १३८ जनाको समर्थन
जुटाउनु पर्ने हुन्थ्यो ।
विश्वासको
मतको पक्षमा नेकपा माओवादी केन्द्र, एमाले, राष्ट्रिय स्वतन्त्र पार्टी र
जनता समाजवादी, एकीकृत समाजवादी, नागरिक उन्मुक्ति पार्टी र केही स्वतन्त्र सांसदहरु समेतले
मतदान गरेका छन ।
त्यस्तै विश्वासको
मतको विपक्षमा राष्ट्रिय प्रजातन्त्र पार्टी, नेपाली कांग्रेस, लोकतान्त्रिक समाजवादी पार्टी र जनमत
पार्टी लगायतले मतदान गरेका छन ।
- न्युज बहार संवाददाता
