साउन १, काठमाडौँ । प्रहरीले राष्ट्रिय स्वतन्त्र पार्टीका उपसभापति डोलप्रसाद अर्याललाई धम्की दिएको आरोपमा एक जनालाई पक्राउ गरेको छ ।
प्रहरीले खोटाङ घर भएका विजय कालीकोटेलाई उपसभापति अर्याललाई असार १९ गते उनको मोवाइलमा म्यासेज पठाएर धम्की दिएको आरोपमा पक्राउ गरेको हो ।
कालीकोटेले असार १९ गतेका दिन दिउँसो १ बजेर २६ मिनेट जाँदा रास्वपाका उपसभापति डोलप्रसाद अर्याललाई मोवाइलमा म्यासेज पठाएर ज्यान मार्ने आशयको धम्की दिएको जिल्ला प्रहरी परिसर काठमाडौँका प्रमुख एसएसपी दानबहादुर कार्कीले बताएका छन।
- न्युज बहार संवाददाता
