असोज ९, काठमाडौँ । सरकारले अब अनलाइन सञ्चारमाध्यमको
दर्ता प्रक्रिया सूचना तथा प्रसारण विभागमार्फत नै गर्ने निर्णय गरेको छ।
बिहीबार बसेको मन्त्रिपरिषद्को बैठकले
छापाखाना तथा प्रकाशनसम्बन्धी ऐन २०४८ अनुसार अनलाइन सञ्चारमाध्यम दर्ता गर्न
सूचना तथा प्रसारण विभागका महानिर्देशकलाई स्थानीय अधिकारीको रूपमा तोक्ने निर्णय
गरेको सञ्चार, सूचना तथा प्रविधि
मन्त्री जगदिश खरेलले जानकारी दिए।
यस निर्णयसँगै अब अनलाइन सञ्चारमाध्यम
दर्ता तथा नवीकरणका लागि जिल्ला प्रशासन कार्यालय जानु नपर्नेछ। पहिलेको जस्तै
सूचना विभागमार्फत नै प्रक्रिया अघि बढाइने मन्त्री खरेलले बताए।
यसअघि सरकारले ऐन
संशोधन गरी अनलाइन सञ्चारमाध्यम दर्ताको जिम्मा जिल्ला प्रशासन कार्यालयलाई दिएको
थियो। तर, मन्त्रिपरिषद्को
पछिल्लो निर्णयले उक्त व्यवस्था खारेज गर्दै पुनः पुरानै प्रणालीमा फर्किएको हो।
- न्युज बहार संवाददाता
