साउन १४, काठमाडौँ । नेपाली कांग्रेस र नेकपा एमालेको टार्गेटमा आफ्नो पार्टी परेको राष्ट्रिय स्वतन्त्र पार्टीका सभापति रवि लामिछानेले बताएका छन् ।
आज सोमबारको
प्रतिनिधि सभा बैठकमा आफ्नो भनाइहरु राख्दै सभापति लामिछानेले कांग्रेस
महामन्त्रीको अभिव्यक्ति, प्रधानमन्त्रीको अभिव्यक्ति र एमाले नेताको अभिव्यक्तिबाट
पनि रास्वपा दुई ठुला दलको टार्गेट बनिरहेको पुष्टि भएको बताएका हुन ।
यस विषयमा उनले भने ‘सरकारमा रहेका दुई ठुला दलको
टार्गेट राष्ट्रिय स्वतन्त्र पार्टी रहेको छ । हिजोको कांग्रेस महामन्त्रीको अभिव्यक्ति,
प्रधानमन्त्रीको अभिव्यक्ति र आज विषयान्तर गर्न खोज्नुभएका
एमालेका पुराना नेताको अभिव्यक्तिले के देखाउँछ भने अव यी नयाँलाई ठिक पार्नुपर्छ,
एउटा
एउटा आरोप लगाइदिनुपर्छ भनेर मिलेको कुरा पनि स्पष्ट भएको छ ।’
लामिछानेको भनाइ अनुसार नेताहरूका यस्तै अभिव्यक्ति र संसदमा
भइरहेको पछिल्ला गतिविधिहरूले अव मुलुकका लागि रास्वपा नै देशको विकल्प हो भन्ने
कुरा स्पष्ट भएको छ ।
- न्युज बहार संवाददाता
