बैशाख २२, काठमाडौँ। आज बुद्ध जयन्तीको अवसरमा प्रधानमन्त्री पुष्पकमल दाहाल ‘प्रचण्ड’ ले आजको सन्दर्भमा बुद्धको दर्शन र शिक्षाप्रति गौरव गर्दै मानव
जातिको हितका पक्षमा आपसी सद्भाव, सहकार्य एवं एकताका
साथ अग्रसर हुनु नै बुद्धप्रति सच्चा सम्मान हुने बताएका छन्।
आज पर्न गएको २५६७ औँ बुद्ध जयन्तीको अवसरमा शुभकामना व्यक्त गर्दै प्रधानमन्त्री ‘प्रचण्ड’ ले मानव जातिको सर्वाङ्गीण हित र शान्तिका
लागि बुद्धले गरेको त्याग, लिनुभएको विचार र अभ्यास नेपालीका लागि
विशेष ऐतिहासिक गौरवका विषय भएको पनि शुभकामना सन्देशमा उल्लेख गरेका
छन्।
- न्युज बहार संवाददाता
