चैत २१, काठमाडौं । धरान उपमहानगरपालिकाका मेयर हर्क साम्पाङ र काठमाडौं महानगरपालिकाका मेयर बालेन साहबीच भेटवार्ता भएको छ ।
मेयर साम्पाङ विशेष गरेर खानेपानी आयोजनाका लागि बजेट माग्न संघीय राजधानी काठमाडौं आइपुगेका बालेनले आफ्नो कार्यकक्षमै भेट्न बोलाएका हुन ।
मेयर हर्क साम्पाङले आज भएको भेटका क्रममा किराँत संस्कृती अनुसार शुभको पहिचानको रुपमा रहेको सिलाम साक्मा बालेनलाई लगाइदिएका छन् ।
बालेनले हर्कसँगको भेटपछि सामाजिक सञ्जालमा लेखेका छन्, ‘सिलाम साक्माले मृत्युको बाटो छेके झैं, नेपालमा विकासको बाटो कसैले छेक्न नसकोस् ।’
दुई नगरहरु बीच भइरहेको पछिल्लो कामको गतिविधि, फोहोर एवम् फुटपाथ व्यवस्थापन लगायतका विषयमा छलफल भएको मेयर बालेनको सचिवालले जनाएको छ ।
- न्युज बहार संवाददाता
