पुस
७, काठमाडौँ । राष्ट्रिय स्वतन्त्र
पार्टीका अध्यक्ष रवि लामिछानेले नेकपा एमालेका अध्यक्ष केपी शर्मा ओलीप्रति
व्यंग्य गर्दै आफू अदालत धाइरहनु परेको बताएका छन्।
हिमालय टेलिभिजनसँगको अन्तर्वार्तामा
ओलीले रवि लामिछानेलाई गुन लगाएको तर त्यो गुन बिर्सिएको टिप्पणी गरेपछि, त्यसै सन्दर्भमा लामिछानेले प्रतिक्रिया
दिएका हुन्। काठमाडौँ जिल्ला अदालतमा तारेख लिएर फर्किँदै गर्दा उनले उक्त टिप्पणी
गरेका थिए।
लामिछानेले भने, “केपी ओलीले गुन लगाएको भन्नु भएको छ, त्यसैले त्यही गुन तिर्न म अदालत
धाइरहेको छु। महिनाको सातै दिन विभिन्न जिल्लाका अदालत जानुपर्ने अवस्था छ।” उनले थपे, “शरीरमा
किला गाडेजस्तो पीडा छ, अन्य अदालतमा पनि
हाजिर हुन जानुपर्नेछ। आज यहाँ आएँ, अब एक हप्ताभित्र
अन्य ठाउँमा पनि जानुपर्छ, शरीरभरि पीडा बाँकी
नै छ।”
- न्युज बहार संवाददाता
