असोज ४, काठमाडौँ । आजदेखि शिक्षकहरूको आन्दोलनका कारण देशभर छरिएर रहेका ७० लाख भन्दा बढी विद्यार्थीहरूको पठनपाठन बन्द हुने देखिएको छ।
अहिले शिक्षकहरू विद्यालय शिक्षा विधेयकमाथि आपत्ति जनाउँदै आन्दोलनका लागि काठमाडौँ आएका छन यसकै कारण विद्यार्थीहरूको पठनपाठन प्रभावित हुने देखिएको हो।
देशभरका शिक्षक, कर्मचारीहरू नेपाल शिक्षक महासंघको नेतृत्वमा आन्दोलनका लागि काठमाडौँ आएका छन्। हिजो सरकारले संविधान दिवसको अवसरमा सार्वजनिक बिदा दिएको थियो तर अनिश्चितकाल सम्मका लागि आजदेखि देशभरका सामुदायिक विद्यालय बन्द हुन थालेको छ ।
शिक्षक कर्मचारी आन्दोलनका लागि काठमाडौँ आएकोले सम्पूर्ण विद्यालयको पठनपाठन अवरुद्ध हुने नेपाल शिक्षक महासंघका महासचिव लक्ष्मीकिशोर सुवेदीले बताए ।
- न्युज बहार संवाददाता
