मंसिर २२, काठमाडौँ । माघ ११ गते हुने राष्ट्रियसभा सदस्य निर्वाचनका लागि निर्वाचन आयोगले राजनीतिक दल दर्ताका लागि आह्वान गरेको छ । आज शुक्रबार आयोगले एक सूचना जारी गर्दै राष्ट्रियसभा निर्वाचनमा भाग लिने सबै राजनीति दललाई दर्ता आह्वान गरेको हो ।
मङ्सिर २४ गतेदेखि २९ गतेसम्म आयोगले राष्ट्रियसभा निर्वाचनका लागि दल दर्ताका लागि समय दिएको छ । पुस १ गते दलहरूलाई चुनाव चिह्न प्रदान गरिने चुनावी कार्यतालिकामा उल्लेख गरिएको छ ।
दर्ता भएका दलहरूको अन्तिम नामावली पुस ४ गते प्रकाशित हुनेछ । चुनावका लागि पुस १६ गते सात वटा प्रदेशको राजधानीमा निर्वाचन अधिकृत नियुक्ति र कार्यालय स्थापना हुनेछ ।
- न्युज बहार संवाददाता
