चैत
१, काठमाडौ। नेपाली कांग्रेसले लामो समयपछि आज केन्द्रीय कार्यसम्पादन समिति बैठक
राखेको थियो।
बैठकमा
सभापति शेरबहादुर देउवासहित पदाधिकारी र शीर्ष नेताहरू पार्टी केन्द्रीय कार्यालय
सानेपामा भएको बैठकमा सहभागी भएका थिए। बैठकमा छलफलका लागि जम्मा चार वटा विषय थियो।
राष्ट्रपतिमा
रामचन्द्र पौडेल निर्वाचित भएकोमा धन्यवाद दिने। उपराष्ट्रपति निर्वाचन, उपनिर्वाचन र सरकारमा पार्टीको सहभागिता।
आजको बैठकमा समसामयिक राजनीति र सरकारमा जाने विषयमा पनि
केहीबेर छलफल चलेको थियो।
राष्ट्रपति चुनावका बेला भएको गठबन्धनबाट अब सरकार विस्तार
हुनेछ भने प्रधानमन्त्री पुष्पकमल दाहाल प्रचण्डले प्रतिनिधि सभाबाट विश्वासको मत
लिएपछि मात्रै कांग्रेसले सरकारमा सहभागीता जनाउने छलफल गरेको छ।
प्रवक्ता प्रकाशशरण महतका अनुसार प्रधानमन्त्री दाहालले चैत ८
गतेभन्दा पहिले नै विश्वासको मत लिने तयारी गरेका छन्। प्रवक्ता महतले भने ‘प्रधानमन्त्रीले विश्वासको मत लिएपछि मात्रै
कांग्रेस सरकारमा सहभागी हुने विषयमा छलफल हुनेछ, अझै एक साता कांग्रेस सरकारमा सहभागि हुदैन।’
- न्युज बहार संवाददाता
