चैत
९, काठमाडौँ। एउटा अदालतले भारतमा प्रमुख प्रतिपक्षी दल कंग्रेस आईका नेता एवं
लोकसभा सदस्य राहुल गान्धीलाई दुई वर्ष जेल सजाय सुनाएको छ।
टाइम्स
अफ इन्डियाले उल्लेख गरे अनुसार गान्धीलाई सुरत जिल्ला अदालतले भारतीय अपराध
संहिताको दफा ४९९ र ५०० मा दोषी ठहर गर्दै बिहीबार उक्त सजाय सुनाएको हो।
गान्धीले
विरुद्ध भाजपाका एक नेताले अदालतमा मानहानी मुद्दा हालेका थिए। गान्धीले भारतीय
प्रधानमन्त्री नरेन्द्र मोदीको थरबारे गरेको टिप्पणीलाई लिएर मुद्दा फाइल भएको
थियो।
‘सबै
चोरहरूको मोदी साझा थर कसरी भयो?’ भन्ने अभिव्यक्ति एउटा भाषणमा प्रधानमन्त्री मोदीको आलोचना
गर्ने क्रममा गान्धीले दिएका थिए।
गुजरातका
पूर्वमन्त्री पुर्नेश मोदीले उक्त अभिव्यक्तिले आफूहरूको अपमान भएको भन्दै अदालतमा
मुद्दा हालेका थिए।
गान्धीलाई
आफ्नो फैसलाविरूद्ध पुनरावेदन गर्ने भए सुरत जिल्ला अदालतले ३० दिनको समय दिएको छ र
अहिलेका लागी उनलाई धरौटीमा छोडेको छ।
- न्युज बहार संवाददाता
