वैशाख १४, काठमाडौँ । नयाँबानेश्वरमा प्रहरी र शिक्षकबीच झडप भएको छ । आन्दोलनरत शिक्षक र प्रहरीबीच बिजुलीबजार–नयाँबानेश्वर सडक खण्डमा भेला भएर प्रदर्शनमा उत्रिएका शिक्षकहरुलाई प्रहरीले रोक्न खोज्दा झडप भएको हो ।
प्रहरीका अनुसार शिक्षकहरुले निषेधित क्षेत्र तोड्ने प्रयास गरेपछि रोक्न खोज्दा झडप भएको हो । तनाव बढेपछी शिक्षकहरुको आक्रोशित भिडबाट प्रहरीमाथि ढुंगामुढा प्रहार भएको थियो ।
बानेश्वर क्षेत्रको अवस्था अहिले तनावपूर्ण रहेको छ भने शिक्षकहरुमाथि प्रहरीले पानीको फोहोरा हानेर भिड तितरवितर पारेको छ ।
- न्युज बहार संवाददाता
