मंसिर २६, काठमाडौँ । महानगर कार्यालयमै वीरगञ्ज महानगरपालिकामा मेयर राजेशमान सिंह र उपमेयर इम्तियाज आलमका समर्थकबीच हानाहान भएको छ । उपमेयर आलमको सचिवालयले प्रमुख प्रशासकीय अधिकृत रहेको कोठा खाली भएपछि महानगरले मेयर सिंहको निर्देशनमा कर्मचारी पञ्जीकरण शाखा सार्न खोज्दा रोकेको थियो । सोही विषयलाई लिएर दुई पक्षबिच हानाहान भएको हो

महानगरका एक अधिकृतले अनुसार लामो समयदेखि प्रमुख प्रशासकीय अधिकृत बसिरहनु भएको कोठा अहिले खाली भएको थियो, उहाँको लागि अर्को कोठा बनेपछि त्यो खाली कोठमा पञ्जीकरण शाखा राख्ने तयारी गरिरँहदा उपप्रमुखज्यूले आफ्नो कार्यकक्ष बनाउने भनेपछि विवाद सुरु भएको हो ।

ती अधिकृत कर्मचारीले ‘पहिले प्रमुखको सचिवालय र कर्मचारी विरुद्ध उपप्रमुखको सचिवालयबाट नसार्न दबाब आइरहेको थियो, उपप्रमुख र प्रमुखका समर्थकहरु सयौंको संख्यामा महानगर प्रवेश गरेपछि कार्यालयमा हानाहान नै भएको हो।’

दिउँसो कार्यालयमा तनाव भएपछि दिनभर सेवा नै अवरुद्ध भएको थियो । प्रमुख र उपप्रमुख नै विवाद मिलाउने भन्दा इगो देखाउन थालेको र पुलिस समयमै नआएको भए ठूलो दुर्घटना हुने सम्मको स्थिति सृजना भएको थियो ।

एकआपसमा ५-७ जना जुधेपछि प्रहरीले बल प्रयोग गरेको थियो भने त्यसपछी उपमेयर आलम कार्यकक्षमै रहेका छन् र मेयर सिंह कार्यालयबाट निस्केका छन् ।

५० भन्दा बढी प्रहरी उक्त स्थानमा जिल्ला प्रहरी कार्यालय पर्साले डीएसपीको कमाण्डमा परिचालित गरेको छ

• न्युज बहार संवाददाता