बैशाख १०, काठमाडौँ। आज अब केही बेरमा सुरु हुन गइरहेको उपनिर्वाचनको सम्पूर्ण तयारी पूरा भएको छ।
निर्वाचन आयोगका उपन्यायाधिवक्ता एवं सहायक प्रवक्ता गुरूप्रसाद वाग्लेले आइतबार चितवन क्षेत्र नम्बर २, बारा क्षेत्र नम्बर २ र तनहुँ क्षेत्र नम्बर १ मा प्रतिनिधि सभा सदस्यको उपनिर्वाचनको तयारी पूरा भएको जानकारी दिएका छन।
आयोगले निर्वाचनमा मत हाल्ने समय आइतबार बिहान ७ बजेदेखि साँझ ५ बजेसम्म हुने जनाएको छ।
सहायक प्रवक्ता वाग्लेले आवागमन र सवारी साधन सञ्चालनका लागि स्थानीय प्रशासनले तोकेबमोजिम हुने गरी गर्न निर्देशन दिईएको बताएका छन भने मतदानका समयमा प्रतिकूल मौसम बाट हुन सक्ने प्रभावको पुर्वनुमान गर्दै पूर्व तयारीका लागि त्रिपाल लगायतका सामग्रीको बन्दोबन्त गर्न स्थानीय प्रशासन तथा स्थानीय तहलाई आवश्यक निर्देशन समेत दिएको वाग्लेले जानकारी दिएका छन।
- न्युज बहार संवाददाता
