बैशाख ४, दाङ। दाङमा ट्रकले ठक्कर
दिदाँ मोटरसाइकलमा सवार दुई जनाको मृत्यु भएको छ।
उक्त
दुर्घटनामा मृत्यु भएका दुबै मृतकको सनाखत हुन बाँकी रहेको जिल्ला प्रहरी प्रवक्ता
डिएसपी राजन गौतमले बताएका छन।
सोमबार बिहान साढे ११ बजेतिर घोराही- तुलसीपुर सडक खण्ड अन्तरगत घोराहीबाट–तुलसीपुरतर्फ जाँदै गरेको लु २ ख ३८१ नम्बरको ट्रकले लु ७३ प ११६२ नम्बरको मोटरसाइकललाई घोराही उपमहानगरपालिका वडा नं. १० स्थित खैरा चोकमा ठक्कर दिएको प्रहरीले जनाएको छ।
डिएसपी गौतमले दुर्घटनाका घाइतेमध्ये एक जनाको घटनास्थलमै मृत्यु भएको र अर्का घाइतेलाई घोराहीस्थित राप्ती विज्ञान प्रतिष्ठान पुर्याएलगत्तै चिकित्सकले मृत घोषणा गरेको बताएका छन।
प्रहरीले दुबै सवारी तीव्र
गतिमा भएका कारण दुर्घटना भएको हुन सक्ने प्रारम्भिक अनुमान गरेको छ।
- न्युज बहार संवाददाता
