फागुन १८, काठमाडौं । नेपाल प्रहरीले आउँदै गरेको होली
पर्वको नाममा उश्रृङ्खल क्रियाकलाप नगर्न र नगराउन साथै अपरिचित मानिसहरुको समूहमा
होली नखेल्न आग्रह गरेको छ ।
नेपाल प्रहरीले सर्वसाधारणका नाममा जारी गरेको अनुरोध पत्रमा सभ्य एवम् सुरक्षित तवरले होली पर्व मनाउन भन्दै पत्रका होली पर्वलाई सभ्य, शिष्ट, स्वस्थ्यकर र मर्यादित तवरले मनाउन आग्रह गरिएको छ । नेपाल प्रहरीको अनुरोध पत्रमा लेखिएको छ, ‘कसैको इच्छा विपरित रंग, लोला, मोबिल, मोसो, केमिकल र फोहोर पानी नलगाऔ, नछ्यापौं । छाला तथा आँखामा असर गर्ने केमिकल रगंको प्रयोग नगरौं ।’
यसवर्षको
होली पहाडी जिल्लामा २२ गते सोमबार र तराई मधेशका जिल्लामा २३ गते मंगलबार मनाइँदै
छ ।
- न्युज बहार संवाददाता
