साउन ३१,
मुस्ताङ । तीन दिनदेखि मुस्ताङको बाढीग्रस्त क्षेत्र बारागुङ मुक्तिक्षेत्र
गाउँपालिका–४
कागबेनीमा विद्युत् अवरुद्ध भएको छ । यसरी बाढी आएदेखी विद्युत् अवरुद्ध हुँदा कागबेनीका
स्थानीयहरु अन्धकारमा रात बिताउन बाध्य भएका छन् ।
गएको आइतबार राति आएको बाढीले खोला
किनारमा रहेका दर्जन बढी पोल बगाउँदा विद्युत् अवरुद्ध भएको हो । प्रमुख जिल्ला
अधिकारी अनुप केसीले बाढीले विद्युत्का पोल र तार पनि बगाएकाले विद्युत्
सञ्चालनका लागि पोल र तार मर्मतको काम भइरहेको जानकारी दिएका छन ।
उनले पोल र तारमा क्षति पुर्याएकाले मर्मतका लागि अझै केही दिन
लाग्ने बताएका छन । उनका अनुसार यस क्षेत्रमा विद्युत् वितरणको काम निलगिरी
उपभोक्त सहकारीले गर्दै आएको थियो ।
प्रजिअ केसीले भने, “अहिले विद्युत् पूर्ण रुपमा अवरुद्ध छ, सञ्चालनका लागि सहकारीले कामदार खटाएर मर्मतको काम गरिरहेको छ उहाँहरुले अस्तीदेखि नै पोल र तार मर्मतको काम गरिरहनुभएको हो ।”
कागबेनीका स्थानिय धावा दोर्जे गुरुङले विद्युत् अवरुद्ध हुँदा कागबेनीका सयौँ नागरिक अन्धकारमा बस्न बाध्य भएको बताएका छन ।
- न्युज बहार संवाददाता
