पुस ७, काठमाडौँ । नारायणगढ–मुग्लिन सडकखण्ड आजदेखि दैनिक
चार घण्टा बन्द हुनेछ । सडकखण्डको तुइन खोलामा पुल बनाउन भित्तो काट्नुपर्ने भएपछि
आजदेखि दैनिक चार घण्टा सवारी साधन चलाउन नपाइने भएको हो। सडक आजदेखि बिहान ११
देखि दिउँसो ३ बजेसम्म बन्द रहने छ।
पुल
बनाउनका लागी भीर भएको ठाउँमा भित्तो काट्नु पर्ने भएकाले यातायात सेवा बन्द गरेर
नै काम गर्न लागिएको हो।
सडकखण्ड बन्द
हुँदा चितवन र तनहुँतर्फका विभिन्न ६ स्थानमा सवारी साधन रोकिने छन्।
नारायणगढबाट
मुग्लिनतर्फ जाने सवारी साधनमध्ये यात्रुवाहक सवारी साधन पन्ध्रकिलो बजारदेखि
जुगेडीसम्म बिहान १०:४० बजेसम्म चलाउन पाइने छ भने मालवाहक सवारी साधन भतेरी
जङ्गलदेखि रामनगरसम्म बिहान १०:३० बजेसम्म मात्र चलाउन पाइने नागढुङ्गा–मुग्लिन सडक आयोजना पश्चिम खण्ड
(नारायणगढ–मुग्लिन)का
सूचना अधिकारी कृष्ण आचार्यले जनाएका छन ।
सूचना अधिकारी आचार्यका अनुसार काठमाडौँबाट आउने यात्रुवाहक सवारी
साधन मुग्लिन बजारदेखि मनकामना केबुलकारसम्म बिहान १०:५५ सम्म तथा मालवाहक सवारी
सधान १०:४५ सम्म मात्र चलाउन पाइने छ।
त्यस्तै पोखरातर्फबाट आउने यात्रुवाहक सवारी साधनलाई बिहान १०:५५
बजेदेखि बेनीटारदेखि पावरहाउससम्म र मालवाहक सवारी साधनलाई बिहान १०:४५ बजेदेखि
सत्रसय फाँटमा रोकिने छ।
तीन हप्ताका लागि सडक बन्द गरेर पहिलो चरणमा भित्तो काटिने छ।
- न्युज बहार संवाददाता
