चैत १३, काठमाडौँ। क्रिकेटर सन्दीप लामिछानेविरूद्धको लागेका मुद्दामा सोमबारदेखि जिल्ला अदालत काठमाडौंमा अन्तिम सुनुवाइ हुने भएको छ।
गत फागुन १५ गते फास्ट ट्र्याकबाट सन्दीपविरूद्धको मुद्दा किनारा लगाउन सर्वोच्च अदालतले दिएको आदेशअनुसार आजदेखि उनको मुद्दामा अन्तिम सुनुवाइ हुन लागेको हो।
उनको मुद्दा आज न्यायाधीश माधवप्रसाद घिमिरेको इजलासमा परेको काठमाडौं जिल्ला अदालतले जानकारी दिएको छ।
मुद्दाको प्रारम्भिक सुनुवाइ गर्दै काठमाडौं जिल्ला अदालतले कात्तिक १८ गते सन्दीपलाई पुर्पक्षका लागि थुनामा पठाउने आदेश गरेको थियो।
- न्युज बहार संवाददाता
