माघ २८, काठमाडौ । आज अख्तियार दुरुपयोग अनुसन्धान आयोगको
३२औं स्थापना दिवस हो । ३२ औँ स्थापना दिवसको अबसरमा शनिबार आयोजित कार्यक्रममा प्रधानमन्त्री पुष्पकमल दाहाल प्रचण्डले नागरिकको हित अभिवृद्धि, मुलुकको विकास र सुशासन कायम गर्न भ्रष्टाचार
नियन्त्रण अपरिहार्य भएको बताए ।
वर्तमान सरकार भ्रष्टाचारविरूद्ध
हदैसम्म निर्मम हुने प्रधानमान्त्री पुष्पकमल दाहाल 'प्रचण्ड'ले बताएका छन्।
नागरिकको हित
अभिवृद्धि र सुशासन कायम गर्न भ्रष्टाचार नियन्त्रण अपरिहार्य भएको प्रधानमन्त्री प्रचण्डले बताए।
सरकारले सार्वजनिक निकायहरु जसले सेवा प्रवाह गर्छन त्यसमा
भइरहेको अनुचित लेनदेनलाई, ढिलासुस्ती र हैरानीलाई न्यूनीकरण
गर्न कार्ययोजना बनाई काम थालेको प्रधानमन्त्रीले बताएका छन । उनले अघि भने, ‘हामी प्रतिबद्धता गर्छै कि कुनै पनि कालखण्डमा भएका भ्रष्टाचार र
जो कोही भ्रष्टाचारी र दोषीलाई कारबाहीको दायरामा ल्याउन दृढताकासाथ पहल हुने छ।’
प्रधानमन्त्री दाहालले अख्तियार दुरुपयोग अनुसन्धान आयोगको दक्षता
अभिवृद्धि, क्षमता विकास, उच्च
प्रविधिको प्रयोग र तथ्यपरक अनुसन्धान प्रणालीको अवलम्बन अनिवार्य रहेको बताए।
