चैत २७, कैलाली । एसईईका विद्यार्थी सवार जिप कैलालीमा दुर्घटना हुँदा एकजनाको मृत्यु भएको छ।
हिजो आइतबार साँझ करिब ७ बजे कैलाली जिल्लाको चुरे गाउँपालिका फल्टुडेमा सु.प. प्र ०१००१ ज १४२३ नम्बरको जिप नालीमा ठोक्किएर दुर्घटना भएको थियो।
उक्त जिप दुर्घटनामा परी गम्भीर घाइते भएका चुरे गाउँपालिका–६ का १८ वर्षीय भानु ठगुन्ना मृत्यु भएको छ। कैलालीका डिएसपी कुलदिप चन्दले उनको सेती प्रादेशिक अस्पतालमा उपचारको क्रममा मृत्यु भएको जानकारी दिएका छन।
उक्त दुर्घटनामा
परी अन्य १८ वर्षीय सरस्वती धामी, १७ वर्षीय हरिश धामी र १६ वर्षीय प्रकाश धामी घाइते
भएका छन। डिएसपी चन्दले उनीहरुको उपचार भइरहेको जानकारी गराएका छन।
जिल्ला प्रहरीले भने जिप चालकलाई नियन्त्रणमा लिएर दुर्घटनाबारे थप
अनुसन्धान गरिरहेको जानकारी दिएको छ।
- न्युज बहार संवाददाता
