भदौ ५, चितवन । नारायणगढ–मुग्लिन सडकखण्ड पहिरोका कारण
अवरुद्ध छ । माथीबाट खसेको
सुख्खा पहिरो पन्छाउन अझै पाँच–छ घण्टालाग्ने बताइएको छ ।
नाम्सी पुल नजिकै सोमबार राति करिब ८ बजेतिर पहिरो खसेर सडक दुईतर्फी अवरुद्ध भएको थियो । सडक डिभिजनका सूचना अधिकारी इन्जिनियर चण्डेश्वर साहले पहिरो पन्छाउन चार मेसिन लगातार प्रयोग भइरहेको जानकारी दिएका छन । उनले भने “हिजो राति १० बजेदेखि लगातार पहिरो पन्छाउने काम भइरहेको छ । पहिरो पूरै पन्छाउन अझै पाँचदेखि छ घण्टा लाग्न सक्छ।”
इलाका प्रहरी कार्यालय मुग्लिनका प्रमुख प्रहरी निरीक्षक विशाल तामाङले रातभर पहिरो पन्छाउने काम गरिएको भए पनि बिहानसम्म २५ देखि ३० प्रतिशतमात्र पन्छाउन सफल भएको जानकारी दिएका छन ।
- न्युज बहार संवाददाता
