साउन २९, काठमाडौँ । कागबेनीमा बाढी पसेको छ। मुस्ताङको वारागुङ मुक्तिक्षेत्र गाउँपालिका-४ कागबेनीमा बस्ती पसेको बाढीले एउटा निर्माणाधीन पक्की पुल, १५ घर र प्रहरी चौकी समेत बगाएको छ ।
कागखोलामा आइतबार राति करिब आठ बजेतिर आएको बाढीले उक्त भौतिक संरचनाहरुमा क्षति पुर्याएको हो । यसमा मानवीय क्षति भने भएको छैन ।
प्रमुख जिल्ला अधिकारी अनुप केसीका अनुसार १५-१६ घर बगाएको छ । कागबेनी र छुसाङ जोड्ने पक्की पुल, कागबेनी प्रहरी चौकी र केही गाडीहरु पनि बाढीले बगाएको छ । कागबेनीको प्रमुख जिल्ला अधिकारी बस्तीमा बाढी पसेको सूचनापछि कागबेनी आएका थिए ।
प्रहरी चौकी बगाएपछी प्रहरीहरु अहिले गाउँपालिकाको भवनमा बसेका छन् ।
प्रजिअ
केसीले छुसाङ र कागबेनी जोड्ने पक्की पुल बगाएपछि कागबेनीसँग अपर मुस्ताङको सडक
सम्पर्क टुटेको जानकारी दिएका छन।
- न्युज बहार संवाददाता
