फागुन १२, काठमाडौं । टोखा नगरपालिकामा
रहेको ग्राण्डी अन्तर्राष्ट्रिय अस्पतालले उपचारमा हदैसम्म लापरवाही गरेको एक
बिरामीको आफन्तले आरोप लगाएका छन् ।
गणेशकुमार
जलान वीरगञ्ज बस्ने ६१ बर्षीय व्यक्ति हुन जसले आइतबार पित्तथैलीमा रहेको पत्थरीको
अप्रेशनका लागि ग्राण्डी अस्पतालमा भर्ना भएका थिए । तर, उनका आफन्तले भने अनुसार चिकित्सकको
लापरबाहीका कारण जलानको घाँटीमा प्वाल पारिएको छ ।
गणेशका छोरा अंकितले बताए
अनुसार गत
शुक्रबार एक चिकित्सकसँग शल्यक्रियाका बारेमा छलफल भएको थियो । छलफल अनुसार
आइतबार
भर्ना हुने र सोमबार
पत्थरी निकालेर अस्पतालबाट डिस्चार्ज गर्ने तयारी भएको थियो । तर, सामान्य अप्रेशन गरेर लेजर
प्रविधिबाट समाधान हुने बिषयमा चिकित्सकले बिरामीलाई गम्भीर अवस्थामा पुर्याएको
उनको आरोप छ ।
‘अप्रेशन अघि बिरामीलाई कुन रूपमा
बेहोस बनाउनुपर्छ त्यो परीक्षण गरेर मात्रै गरिन्छ । तर, चिकित्सकले चेकजाँच नै नगरी बेहोस
गरे’
उनले भने, ‘बिरामीको अवस्थालाई मूल्यांकन
नगरी बेहोस बनाउँदा बाबालाई श्वासप्रश्वासमा समस्या भयो । चिकित्सकले घाँटीमा
प्वाल पारेर पाइपमार्फत अक्सिजन दिए ।’
त्यसपछि दुई दिन भेन्टिलेटरमा बिरामीलाई
राखियो र त्यसपछि आईसीयूमा सारेको अंकितले बताएका छन । ‘त्यस समयमा केही डाक्टरले गल्ती भएको
पनि स्वीकार गरे र ग्राण्डी अस्पतालमा स्टफहरुले यो कुरा बाहिर नभन्नसमेत सल्लाह दिएका
थिए । छोरा अंकितले
भने,
‘सानो
अप्रेशनलाई पनि यत्रो ठूलो गल्तीले बुबा गम्भीर अवस्थामा पुग्नुभयो ।’ आईसीयूमा पनि
स्वास्थ्यकर्मीले राम्रो हेरचाह नगरेको उनको आरोप छ । हाल गणेशको उपचार ललितपुरको
मेडिसिटी अस्पतालमा भइरहेको छ । ‘चिकित्सकहरुले लापरवाही भएको
स्वीकार गरेका छन् । तर, लिखित रुपमा लिखितम दिएका छैनन। अब म सम्बन्धित निकायमा उजुरी गर्ने बिरामीका छोरा अंकितले बताएका छन ।
यता उपचारमा संलग्न एक चिकित्सकले भने श्वासप्रश्वासमा समस्या भएको
कारण घाँटीमा प्वाल पारिएको बताएका छन । उनले भनेका छन बिरामीको अप्रेशननै भएको छैन । उक्त चिकित्सकले भनेका छन ‘अप्रेशन गर्ने बेलामा बेहोस
गर्नुपर्ने हुन्छ । श्वास नली अप्ठ्यारो रहेछ । बेहोस बनाउनका लागि पाइप हालेर
ज्यान जोगाएका हौं’।
