चैत
२९, सिन्धुली । मंगलबार राती सिन्धुलीको कमलामाई नगरपालिका वडा नम्बर ३ गढी गेट नजिक
कार दुर्घटना हुँदा चार जना भारतीय नागरिकको मृत्यु भएको छ।
उक्त दुर्घटनामा
परी एक जना गम्भीर घाइते भएको जानकारी प्राप्त भएको ।
जिल्ला
प्रहरी कार्यालय सिन्धुलीका प्रहरी उपरीक्षक राजकुमार सिलवालले गए
राति १२:३० बजे भारतीय नम्बर प्लेटको बीआर ०६ डिडी ०६८७ कार अनियन्त्रित भएर
दुर्घटना भएको बताए।
गम्भीर घाइते एक पुरुषलाई थप उपचारका लागि काठमाडौ पठाउने तयारी रहेको उनले बताएका छन।कारमा पाँच जना सवार थिए।
मृत्यु भएका चारै जना पुरुष रहेको प्रहरीले जनाएको छ। मृतकमध्ये एक पुरुषको शव सिन्धुली अस्पतालमा र अरु तीन पुरुषको शव घटनास्थलमै रहेको सिलवालले बताएका छन।
राजमार्गको भिर भएको स्थानबाट कार सडकबाट पाँच सय मिटर तल खसेर दुर्घटना भएको हो। भिरमा जान सहज नभएका कारण शव निकाल्न ढिला भएको उपरीक्षक राजकुमार सिलवालले जानकारी गराएका छन।
- न्युज बहार संवाददाता
