साउन २८, काठमडौँ । दुई ठाउँमा गएको पहिरोको कारण पृथ्वी राजमार्ग एकतर्फी सञ्चालनमा भएको छ।
पहिरोको कारण सडकमाथिबाट खसेको ढुंगाले सडकलाई एक तर्फी बनाएको हो ।
धादिङको
थाक्रे गाउँपालिका-३ सिम्लेमा शनिबार बिहान पहिरोसँगै सडकमाथिबाट ठूलो ढुंगा खसेको
थियो।
अहिले पहिरो पन्छाएर सडक एकतर्फी बनाइएको भएपनि पानी निरन्तर परिरहेका कारण ढुंगा पन्छाउँदा माथिबाट थप पहिरो खस्ने जोखिम रहेकाले पानी रोकिएपछि पन्छाउने काम सुरू गरिने नागढुंगा-मलेखु सडकका इन्जिनियर जयराम अधिकारीले जानकारी दिएका छन।
त्यसैगरी यता तनहुँको आबुखैरेनी गाउँपालिका-४ ऐनापहरामा पनि शनिबार साँझ खसेको भीमकाय ढुंगा अझै हटाइनसक्दा सडक एकतर्फी भएको छ ।
- न्युज बहार संवाददाता
