पुस  २५, काठमाडौँ । अहिलेसम्म प्रहरीले तपश्वीको भेषमा विभिन्न आश्रममा अपराधको श्रृंखला मच्चाएका रामबहादुर बमजनको घरबाट ३ करोड ३ लाख नेपाली रूपैयाँ फेला पारेको छ।

बमजनको घरमा छापामार्दा नेपाली रूपैयाँमात्र होइन  विदेशी मुद्रा पनि फेला परेको प्रहरीको केन्द्रीय अनुसन्धान ब्युरोले जनाएको छ ।

प्रहरीको केन्द्रीय अनुसन्धान ब्युरो प्रमुख किरण ब्रजाचार्यका अनुसार बमजनको घरबाट बरामद भएका नगत नेपाली रूपैयाँ गनेर सकिएको छ र उक्त नगद तीन करोड तीस लाख ७५ हजार रहेको छ, सबै हजार हजारको गड्डीहरू भेटिएको र  अब बरामद भएको विदेशी पैसा गन्न बाँकी रहेको छ भने त्यसमा डलर लगायत अरू पनि करेन्सी रहेका छन् ।

बमजनको घरबाट ३५ वटा पेनड्राइभ, १५ वटा मोबाइल र तीनवटा ल्यापटप पनि बरामद गरिएको छ।

बमजनले अहिलेसम्म धेरै कुरा बोल्न नमानेको र आजसम्म कहाँ लुकेर बसेको भन्ने प्रश्नको जवाफमा विभिन्न जंगलहरूमा, कहिले आफन्तको घरमा बस्दै आएको मात्रै बताएको सिआइबी प्रमुख ब्रजाचार्यले जनाएकी छन ।

बुढानीलकण्ठको हात्तिगौँडास्थित बमजनकै घरबाट प्रहरीले मंगलबार उनलाई पक्राउ गरेको थियो।

• न्युज बहार संवाददाता