फागुन, १४ दाङ । हात्तीपाइलेविरुद्धको औषधि
खुवाउने अभियान फागुन ११ गते देखि यता देशभर चलिरहेको छ । जनप्रतिनिधि पनि सहभागी
भएका हात्तीपाइल विरुद्धको औषधि सेवन
अभियानमा विगतका वर्षमा भने स्वास्थ्यकर्मी र स्वयंसेविकाले खुवाउँदै आएको थिए ।
लुम्बिनी
प्रदेशका तीन जिल्लामा अघिल्ला वर्षहरुमा लक्ष्य अनुसारको जनसंख्याले औषधि
नखाइदिंदा १३ वर्षसम्ममा पनि हात्तीपाइले रोग निवारण हुँन सकेको छैन । यहीकारण यो
वर्षदेखि भने जनप्रतिनिधिलाई समेत अभियानमा जोडेर औषधि वितरण र औषधी खुवाउने काम
भइरहेको छ ।
लुम्बिनी प्रदेशका
बाँके, दाङ, र
कपिलवस्तुमा स्वास्थ्यकर्मीसँगै जनप्रतिनिधि पनि घर-घरमा हात्तीपाइलेविरुद्धको
औषधि खुवाउन पुगिरहेका छन् । औषधि वितरण र सेवन अभियानमा वडाका अध्यक्षदेखि सदस्य
नियमित जसो स्वास्थ्यकर्मीसँगै गाउँ बस्ती गइरहेका छन् ।
दाङ
तुलसीपुर उपमहानगरपालिका जनस्वास्थ्य प्रबर्द्धन महाशाखाका जनस्वास्थ्य निरीक्षक
विमल केसी भन्छन् ‘हात्तीपाइले
औषधिबारे फैलिएका र फैलाइएका भ्रमहरुले गर्दा औषधि खुवाउँन एक दमै समस्या भइरहेको थियो’, ‘यसपालि जनप्रतिनिधिलाई पनि
स्वास्थ्यकर्मीसँगै हिडाएर औषधि खुवाउने अभियान थाल्दा केही हद सम्म सजिलो भएको छ।’
