असोज १६, काठमाडौँ । आज मंगलबार बझाङ केन्द्रविन्दु भएर गएको भूकम्पका कारण सात जना घाइते भएको जानकारी आएको छ ।
सुदूरपश्चिमका अन्य जिल्लाहरूमा भूकम्पका धक्का महसुस भएको छ । भूकम्पका कारण बझाङ जिल्लामा ६ जना र अछाममा एक जना घाइते भएका छन ।
प्रहरीले बझाङका सत्यवादी मावि भोपुरका चार जना विद्यार्थी र एक जना अन्य व्यक्तीसहित पाँच जना र केदारस्युँ गाउँपालिकाका एक जना गरी छ जना घाइते भएको जनाएको छ । घाइतेहरूलाई सबैलाइ उपचारका लागी बझाङ जिल्ला अस्पतालमा लगिएको छ।
जिल्लामा धेरै भौतिक संरचनामा क्षति भएको अनुमान गरिएको जिल्ला प्रहरी कार्यालय बझाङका डिएसपी भरत शाहले जनाएका छन । उनका अनुसार अहिलेसम्म मानवीय क्षति भने भएको छैन।
भुकम्पका कारण सदरमुकामका पक्की घरहरू चर्किएका छन्। गाउँ क्षेत्रका विद्यालयहरू र कच्ची घरहरु भत्किएका छन्।
भूकम्पसँगै आएको सुक्खा पहिरोको
कारण जयपृथ्वी राजमार्ग अवरुद्ध भएको छ ।
- न्युज बहार संवाददाता
