जेठ ५, झापा। प्रहरीले आफूहरु अपहरणमा परेको भनेर भ्रम फैलाउने झापाका–४ निवासी ३२ वर्षीय शेरबहादुर सुहाङ र ३९ वर्षीय फूलबहादुर गौतम दर्जीलाई नियन्त्रणमा लिएको छ।
वैशाख ३१ गते नेपाल विद्यार्थी संघका कार्यकर्ताले भ्रष्टाचारविरूद्ध बुधबारेमा आयोजना गरेको विरोध कार्यक्रमविरूद्ध फेसबुकबाट अभिव्यक्ति दिएर सुहाङ सुनियोजित रूपमा बेपत्ता भएको झापा जिल्ला प्रहरी कार्यालयका सूचना अधिकारी खगेन्द्र रिजालले बताएका छन।
सुहाङले नेविसंघका कार्यकर्तासँग विवाद परेको कारण अपहरण गरिएको भन्ने भ्रम सिर्जना गर्न आफ्नै छिमेकी साथी फूलबहादुर गौतम दर्जीसँग मिलेमतो गरेको जनाउँदै प्रहरीले दर्जीलाई नियन्त्रणमा लिएर अनुसन्धान अघि बढाएको छ।
- न्युज बहार संवाददाता
